Mol nei hera?

Einmal hinein hören?

Bobby Braun

I säh so guad aus,
des glaubt mr kaum
Mei Fett abg'saugt,
mei Arsch isch g'liftat

I mach mir koi Sorga
Fraua ond Bier
Des gibt's au no morga

Gell da guggsch,
ben a echter Athlet

Mein Gott isch der schief

Wer kennt des net:
Wo soll’s naganga en Urlaub?
Er: am beschta da wo i mei Ruh han ond wo’s warm isch
(aber net dr Heizungskeller).

Ond die Fraua?
Sie: Kultur en Italia. PISA (Schreck lass nach!)
Reiseführer en dr Rechta, Diggikäm en dr Lenka.

Dr Marley Robert däd sich wondra…

 

Hallo Marlene

I sitz da ond dua dr mäila
Denn egal wo du au bisch soll’sch wisse:
Du duasch mir richtig fähla

Hallo Marlene,
manchmol will’e naus uff’d Gass
Na ben i rallig, doch na denk i mir
S’isch besser wenn i’s lass…

Oh, i denk bloß an di…

Zom Glick gibt’s heit a Internet ond a Mäil
Des isch nemme so schwierig, seim Mädle zu schreiba wia friaher

Schwardamagaboogie

s’Schwobaländle isch doch au a kulinarisch’s Mekka.

Saure Kuttla, Buabaspitzla, Peitschaschdegga,
Schmalzpriegel, Flädlessubba, Mauldäschla

Ond die Krönung: Schwardamaga, weiß oddr schwarz.

Des hot au schon dr Hänk Häberle Junior g’wisst ond
a Liadle draus g’macht.

I heer’s ond seng’s emmer wieder gära.

Wie hoißt’s so schee:
Koi Weib kam i so arg erräga ond hot se no so jenseits Tidda
Als wie an rechter Schwardamaga, egal am Schtück oder g’schnidda

I han koin Plan

Als selbschternannder Moischter der Lagerfeuer-Gitarr’ muass i die ja au amole gscheit schpiela. Ond des isch’s richtige Liedle drfür:

Mei Nichte hot Abi g’macht. Wie i au, en grauer Vorzeit.
Bei ihra isch’s viel leichter ganga als wia bei mir.
Aber sie hot halt au g’lernt, ond i nedda.

I be morgens mit’ma Schädelweh aufg’wacht ond mir war klar:
I han koin Plan

I woiß bloß ois, dass i gar nex woiß
Neddamol wie’d Hauptstadt von Schweda hoißt…

Ond so langsam wird au mir klar: i han koin Plan

Du siehsch klasse aus heit Nacht

Viertel nach zehne, se schtoht vor'em Kloiderschrank…

Du siehsch klasse aus em kurza Rock ond en de hohe Schuah
Frau ond Ma glotzt'de a, ond au i gäb's offa zuah
Hah du bisch Wahnsenn!

Erich, klappt scho!
Wonderful tonight…

 

 

I han koi Zeit

Z’erscht ha i no denkt, des isch se jetzt, die Frau
Mit dära isch des Läba rosig ond dr Hemmel blau
Doch na war i so viele Nächt lang traurig ond alloi em Bett
Ond i han denkt, wenn mr oin liabt, duad mr des net

Warom dürfat eigentlich emmer bloß Fraua lamentiera ond meggera,
wenn se verlassa werdat?
I forder gleiches Recht für älle, em Nama von älle Männer,
zumindescht die Schwäbische…

Vielleicht könntat mr da mit dem Liedle ja mol a Diskussion astoßa, oder so…
Gell, mir Kerle werdat mindeschtens genauso oft verlassa wie omkehrt.